முகப்பு பஞ்சாங்கம் மேல் நோக்கு நாள், கீழ் நோக்கு நாள் என்றால் என்ன?

மேல் நோக்கு நாள், கீழ் நோக்கு நாள் என்றால் என்ன?

ஆசிரியர்

நாள்

பிரிவு

மேல் நோக்கு நாள், கீழ் நோக்கு நாள் என்று நாள் தோறும் நாள் காட்டியில் காண்கிறோம். அதன் பொருள் என்ன?

மேல்நோக்கு நாள், கீழ்நோக்கு நாள் மற்றும் சமநோக்கு நாள் என்று ஒவ்வொரு நாளும் நாள் காட்டி மற்றும் ஐந்திறன் நாள் காட்டிகளில் குறிக்கப்படுகிறது.

இவை மூன்றும் அன்றைய விண்மீன் அடிப்படையில் அமைவதால் இத்தகைய குறியீடுகளை பெறுகிறது.

ரோகிணி, திருவாதிரை, பூசம், உத்திரம், உத்திராடம், திருவோணம், அவிட்டம், சதயம், உத்திரட்டாதி ஆகிய ஒன்பதும் மேல்நோக்கு விண்மீன்கள் எனப்படுகின்றன.

அதாவது, இந்த விண்மீன்களை கொண்ட நாட்கள் மேல்நோக்கு நாட்கள்.

இவை மேல்நோக்கி வளர்கின்ற பயிர்களுக்காக விதைக்கவும், மரங்களை நடுவதற்கும், மேல்நோக்கி எழும் கட்டிடங்கள் , உயரமான மதில் போன்றவற்றைக் கட்ட ஆரம்பிக்க ஏற்ற நாட்கள் ஆகும்.

பரணி, கிருத்திகை, ஆயில்யம், மகம், பூரம், விசாகம், மூலம், பூராடம், பூரட்டாதி ஆகிய ஒன்பது விண்மீன்கள், கீழ்நோக்கு விண்மீன்கள் என்றழைக்கப்படுகின்றன.

இந்த விண்மீன்களைக் கொண்ட நாட்கள், கீழ்நோக்கு நாட்கள்.

இந்த நாட்களில் ஆழ்துளை கிணறு தோண்டுதல், மண்ணை தோண்டி செய்ய வேண்டிய வேலைகள், சுரங்கப் பணி மேற்கொள்ளுதல், கிழங்கு வகைச் செடிகளைப் பயிரிடுதல் முதலான பணிகளைச் செய்தால் நல்ல பலன் கிடைக்கும்.

அசுவினி, மிருகசீரிடம், புனர்பூசம், அசுதம், சித்திரை, சுவாதி, அனுசம், கேட்டை, ரேவதி ஆகிய ஒன்பதும் விண்மீன்கள், சமநோக்கு விண்மீன்கள்.என்று ஜோதிடம் கணிக்கிறது.

இந்த விண்மீன்கள் இடம் பெறும் நாட்கள், சமநோக்கு நாட்கள்.

இந்த நாட்களில் சம தளத்தில் செல்லும் வண்டி வாங்குதல், செல்லமாக வளர்ப்பதற்கான உயிரினங்கள், பசு, காளை வாங்குதல், சாலை அமைத்தல், வாசக்கால் வைத்தல், வயல் உழுதல் ஆகிய பணிகளைச் செய்வது சிறந்தது.

இதை எந்த ஒரு ஐந்திறன் நாள் காட்டியும் குறிக்கும்.

இதன் பொருள் என்னவென்று இப்பொழுது நாம் கற்றுக் கொண்டதால், இனி அந்தந்த வேலைகளை அதற்குறிய நாட்களில் மேற்கொண்டு வெற்றி பெறுவோம்.

அண்மைய இடுகைகள்

மரண யோகம், சித்த யோகம், அமிர்த யோகம்

பங்சாங்கத்தில் உள்ள ஐந்து திறன்களில் யோகமும் ஒன்று. மரண யோகம் - சில கிழமைகளுடன் சில விண்மீன்கள் சேரும்போது, அது ஒவ்வாத நாளாகி விடும். எந்தக் கிழமைகளும் எந்த விண்மீன் அப்படிச் சேரும்போது, அந்த ஆகாத...

குருமங்கல யோகம் என்றால் என்ன?

குருமங்கல யோகம் என்றால் என்ன? தமிழகத்தில் செவ்வாய் கோளிற்கு ஜாதகம் மற்றும் ஜோதிடத்தில் பெருமளவில் கவணம் கொடுப்பர். கவணம் பெற்ற செவ்வாயை கண்டால் தமிழக ஜோதிடர்கள் சற்று அய்யத்துடனேயே அதை கையாள்வர். சொல்லப்போனால், செவ்வாய் கிழமையை வெருவாய்...

சுனபா யோகம், அனபா யோகம்

சுனபா யோகம், அனபா யோகம் வியாழன், சாதகரின் சாதகத்தில் நிலவின் நிலையில் இருந்து எண்ணினால், வியாழன் 2 ஆம் இடத்தில் இருந்தால் இது சுனபா யோகம். வியாழன், சாதகரின் சாதகத்தில் நிலவின் நிலையில் இருந்து எண்ணினால்,...

குரு சந்திர யோகம்

குரு சந்திர யோகம் வியாழனும் நிலவும் சிறப்பான அமைப்பில் இருந்தால் அது தான் இந்த குரு சந்திர யோகம். இத்தகைய யோகம் நம் சாதகத்தில் இருக்கிறதா என்பதை தெரிந்து கொள்வது மிக எளிது. உங்கள் ஜாதகத்தில் நிலவு...

கஜகேசரி யோகம் ஜாதகருக்கு உள்ளதா என்பதை எப்படி கணக்கிடுவது?

கஜகேசரி யோகம் கஜம் என்றால் யானை. கேசரி என்றால் அரிமா (சிங்கம்). கஜகேசரி யோகம் என்றால், யானை மற்றும் அரிமாவின் வலிமை பெற்ற ஒரு நிலை என பொருள். கஜகேசரி யோகம் கிடைத்தால் என்ன பயன்? ஒருவருக்கு குறிப்பிட்ட...